Sony VAIO L, Core 2 Duo eta Blu-ray

Atzo Sony Vaio VGC-LS1 modeloaz hitz egin nuen eta gaur aldiz bere anaia zaharra aipatuko dizuet: Sony VAIO L.

Ezaugarri hobeak ditu dena-batean-konputagailu honek: 2.16 GHz-etako Core 2 Duo T7400 PUZ

-a eta anaia gazteak ez bezala txartel grafiko dedikatu bat, NVIDIA GeForce GO 7600. Gainera telebista sintonizagailua eta Blu-ray irakurle eta grabagailua ditu. Hori bai, salneurria azaroaren 6tik aurrera (japonian bakarrik momentuz): 359,800¥ (3,000 euro inguru)! Tori Blu-ray ultra-izpia, pi pi pi piiii!!!!

 Iturria | Engadget

Sony-k arazodun bateriak erretiratuko ditu

Azken aldian konputagailu eramangarrien baterien inguruko berri asko jaso ditugu, eta ez oso ona gainera: bateriak suizidatu lehertu egiten dira!

Arazo hau, Dell, Lenovo, Fujitsu-Siemens, Toshiba eta Apple-ek pairatu dute. HP eta Acer momentuz salbu dira. Orain Sony bera arduratuko omen da arazodun bateriak erretiratzeaz.

Ea behingoz konpontzen den arazoa!

Iturria | Xataka

GIF formatua domeinu publikora pasatu da

Urriaren 1ean GIF formatua domeinu publiko izatera pasatu zen. Lehen Unisys enpresak zuen patentea. GIF formatuko irudiak ireki edo gordetzeko moduko programak garatzen zituen edozein konpainia edo pertsonak, diru kopuru bat ordaindu behar izaten zion Unisys-i (honek hala nahi izanez gero). Orain edonork garatu dezake horrelako programaren bat inorri dirurik ordaindu beharrik gabe. Bazen garaia!

Iturria | ALT1040