Nokia Aeon eta BenQ Black Box interfazeak

Telefono mugikorrak aldatzen ari direla garbi dago, baina interfazeari dagokionez ez da aurrerapauso nabarmenik ikusi azken aldian. Horri aurre egin nahirik lehendabizi BenQ etxeak bere Blackbox-a eta Nokiak ondoren Aero-a aurkeztu dituzte.Bi interfazeak ideia berdinean oinarritzen dira: telefonoaren gainalde osoa pantaila bat da, ez dago teklarik! Pantailaren edukia aldatu egiten da momentuko beharren arabera, horrela deitu nahi dugunean zenbakiak agertuko dira, agenda kontsultatzean aldiz zenbakiak desagertu eta gure kontakuak agertuko dira, …

Benetan itxura ona dute bi interfazeek, baina momentuz BenQ Black Box-ak garatuago dagoela dirudi.Nokia Aeon-aren irudiak ikusteko jarraitu irakurtzen.

Iturria | Celularis

Jokalarien ametsetako mahaia

Konputagailua bideojokoetan ibiltzeko dauketenen (gamer-ak) ametsetako mahia kaleratu dute: ROCCAFORTE kiratsdun gazta.  500 dolarretan jarri dute salgai japonian, hori bai, irudian dagoenetik mahaia bakarrik dago prezioaren barne ehhh!

Iturria | Ecetia

WiFi-dun Video iPod berria?

Engadget-ek dioenez, badirudi Apple etxeak Video iPod berria kaleratuko duela eta, oraingoan bai, WiFi-a izango duela. Microsoft-en Zune-k beldurra eragin ote die?

Ea gutxienez ez duten WiFi-a Microsoft-ekoek bezala hanka-motz uzten!

Iturria | Engadget

USB Hub biratzailea

Beste USB gailu bat, oraingoan Hub bat, hau da, USB portu batetik 2,3,4, …. lortzea ahalbidetzen duen tresna bat. Baina aipatu behar dizuedan honek berezitasun bat dauka: dituen 4 portuetatik 2 biratu egin daitezke (180 gradutan).Nik uste batek baino gehiagok eskertuko duela USB Twister Hub hau kaleratu izana.

Iturria | Boing Boing

AD80 eguzki irratia

Pilak erosteaz aspertuta? Bateria kargatzeaz ere bai? AD80 eguzki irratiarekin ez duzu gehiago beharrik izango, eguzkiaren argitasunaren energia gordetzen du eta!

Addex Design etxeak sortu du eta AD80 Solar Radio deitu diote irrati honi. 9cm x 6.5cm x 2cm dira bere neurriak eta salneurria 29€ .

Iturria | Übergizmo

Star Wars USB memoriak

Mimoco-k Star Wars-eko USB memoriak kaleratzea erabaki du. Denera 4 modelo desberdin izango dira, baina momentuz Darth Vader-ena bakarrik aurkeztu dute.

1, 2 eta 4 GB-ko memoriak izango dira. Salneurriak aldiz:

• 1GB, 79.95$
• 2GB, 119.95$
• 4GB, 169.95$

2007ko urtarrilean kaleratuko da eta agortu bitartean salduko da soilik, ez dituzte gehiago egingo (hori esan dute behintzat). Okerrena, 10$ jarri behar direla eskaria egiteko eta ez baduzu USB memoria jasotzen ez dutela dirua itzultzen!

Iturria | Gizmologia

Apple iPod nano RED

Apple etxeak bere iPod nano musika erreproduktorea kolore berri batean eskaintzea erabaki du: gorria (RED). Zergatik gorria??? RED deituriko ONG bati laguntzeko asmoz kaleratu dute eta horrexegatik da gorria. RED ONG-a HIESA gaitzaren aurka laguntzen ibiltzen da Afrikan.iPod nano RED modeloak beste iPod nano-en salneurri berdina izango dute, baina Apple etxeak salmenta bakoitzeko 10$ emango dizkio ONG-ari.

Iturria | AppleWeblog.com

Eudora software librea izango da

Eudora posta bezeroa software libre izango da bertsio berriarekin batera Qualcomm-ek esan duenez. Beraz, open source aplikazio bilakatuko da orain arte komertziala zen posta bezero hau. Bere kodea Mozilla Thunderbird-enean oinarrituko dela aipatu dute Qualcomm-ekoek, kodea erabat berrituaz.

Qualcomm etxea softwarera bideratuta egon beharrean, hari-gabeko teknologietara zuzentzearen ondorio da Eudora libre izatea. Beren esanetan software librearen komunitateak Eudora bizirik mantenduko duen esperantza dute.

Eudoraren erabiltzaileetako bat baldin bazara trantsiziorako sortu duten FAQ-a bisita dezakezu.

Iturria | ALT1040

Pantaila handiek produktibitatea hobetzen dute

Apple etxeak babestutako ikerketa baten arabera, lanean pantaila handia erabiltzeak produktibitatea igotzen du. Beren esanetan pantaila handia izateak aplikazioz gutxiagotan aldatu beharra dakar eta gainera denbora gutxiago galtzen da leihoak bilatzeko garaian.

Ikerketa berdinean ondorioztatzen den beste hobekuntza bat 2 pantaila aldi berean erabiltzearena da. Ez dute baieztatzen produktibitatea hobetuko denik, baina ia seguru omen daude baietz.

Iturria | ALT1040