Wibree, Bluetooth-aren ordezkoa

onturatuko zineten bezala Bluetooth-a aktibatu ezkero, gailuen bateriak azkarrago agortzen dira. Hori ikusita, Nokia, Wibree izeneko teknologia garatzeko lanetan dabil (ez, ez du Wii kontsolarekin zerikusirik).

Wibree Bluetooth sistemaren ia berdina da, distantziak, abiadurak etab. mantenduaz, baina energia bidaltzen edo jasotzen ari den datuen araberakoa da. Bluetooth-ek energia kontsumoa konstante mantentzen du denbora guztian.

Teknologia hau datu kopuru gutxi behar direnerako dago pentsatuta ordea, ez musika eta fitxategi handiak bidaltzeko.

Iturria | Xataka

Sony Xplod berriak

Sony-k berre autorako audio unitate berriak aurkeztu ditu, Xplod gamakoak alegia.

Lau unitate desberdin aurkeztu dira eta laurek dute aurrekaldean audio sarrera laguntzaile bat. Gaur egun MP3 gailuak konektatzeko erabiliko duena mundu guztiak.

CDX-GT110 modeloa da arruntea, CD irakurgailuarekin dator. DX-GT210 aldiz MP3 eta WMA formatuak irakurtzeko gai den irakurgailuarekin dator. CDX-GT310 CD/MP3 gailua da eta satelite bidezko irrati seinaleak jasotzeko prestatuta dago, gainera anplifikagailu bat konektatzeko irteera bat dauka. CDX-GT510 modeloa da denetan maila altuenekoa eta honek, beste guztien ezaugarriez gain, Sony ATRAC3plus formatua irakurtzeko gaitasuna dauka.

 Iturria | Xataka

Philips iratzargailua

2006 Simplicity Event ekitaldian Philips etxeak bizitza errazago eta erosoago egiteko asmoarekin hainbat produktu aurkeztu zituen.

Irudietan agertzen den iratzargailua da produktu berri hoietako bat. Iratzargailu hau ordea ez da orainarte ikusitakoak bezalakoa. Piskana argiaren intentsitatea handitzen joaten da, eguna argitzean eguzkiarekin gertatzen dena simulatu nahian. 30 minuturen buruan ohetik altxatzeko moduan izango gara, argiak lehenago ez bagaitu esnatu behintzat. Argiaren intentsitatea kontrolatzeko aukera ere badauka.

Momentuz Frantzian kaleratu dute eta 2007an espero da mundu guztian zabaltzea.

Ekitaldian Philps-ek aurkeztu zituen beste produktuak ikusteko egin klik hemen.

PlayStation3-aren urruneko agintea

Badirudi irudietan ikusten duzuen hau izango dela PlayStation3-aren urruneko agintea. Esan dutenez ordea ez da kontsolarekin batera salduko eta gainera ez da aldi berean kaleratuko, hilabete beranduago baizik. Salneurria 25 euro.

Irudian ikusten den bezala botoi asko izango ditu, agian gehiegi. Bere funtzio nagusia Blu-ray erreproduktorearen kontrola izango omen da, baina ikusita botoi kopurua funtzio gehiago dituela esango nuke. Funtzionamentua aldiz Bluetooth teknologia erabiliz egiten du.

Iturria | Engadget

Epson Colorio, inprimagailu eramangarria

Inprimagailua alde batetik bestera erabiltzen duen hoietakoa zara? Hala bada Espon Colorio zuretzako pentsatutako inprimagailua da! Helduleku bat dakar edonora mugitu ahal izateko esku bakarrarekin, hau da, maleta bat balitz bezala ibiltzeko.Inprimagailuak 2.5”-ko LCD pantaila du, argazki kameraren txarteleko argazkiak ikusteko eta jakina horretarako txartelen irakurgailua ere bai. Infragorri izpiak ere erabiltzeko prestatuta dago eta Bluetooth-a ere jarri daiteke (hau aukerakoa da).

Momentuz japonian bakarrik eskuratu daiteke.

Iturria | SlashGear