Ataundik

Fedora 10 kalean

iheup — Thu, 04 Dec 2008 11:10:55 +0000

Red Hat etxeak ateratzen duen sistema eragile berria kalean da: Fedora 10. Gogoan izan Linux-en oinarritutako banaketa bat dela Fedora.

Eskuratu Fedora 10

Webgunea | Fedora

4 nukleotako AMD CPUak

iheup — Thu, 04 Dec 2008 10:30:20 +0000

AMD etxeak 2010ean kaleratuko omen ditu ordenagailu eramangarrientzako 4 nukleotako mikroprozesadoreak.

Egia esan, AMDren Quad-Core CPUak (PUZ euskaraz) nahiko berandu datoz; Intel etxekoenekin alderatuta behintzat (Core 2 Quad-ak, Centrino 2-rako). Intel aurtengo abuztuan hasi da ordenagailu eramangarrietako 4 nukleotako mikroprozesadoreak saltzen. 2 urtetako aldea? Bai, hala da, baina AMD mikroprozesadore oso eraginkorrak kaleratzen ari da, energia gutxi kontsumitzen dutenak alegia. Nire ustez, ordenagailu eramangarrietan potentzia asko baino hobea da AMDren soluzioa, erdibideko neurria alegia.

Wiimandoaren aurkari berria, 3D Truemotion

iheup — Fri, 28 Nov 2008 13:52:57 +0000

Sixense etxeak jokalarien mugimenduak kontrolatzeko balioko duen sistema berria asmatu du, 3D Truemotion.

Eremu magnetiko batetaz baliatuta, 3 dimentsiotan kontrolatu ditzazke erabiltzailearen 2 eskuak; hau dena denbora errealean eta 10 milisegundutako errefreskoarekin.

Bideoa saltoaren jarraian.

Iturria | Gizmodo

Windows Live Search-en izen berria Kumo?

iheup — Fri, 28 Nov 2008 10:05:58 +0000

Microsoft-eko iturri baten arabera konpainiak bere bilatzaile Windows Live Search aupatu nahi du. Datorren urtean egin nahi dute hori, eta marka ezagutaraztea da helburua. Arrazoia? Live hitzak ez omen du uste zuten arrakasta.

Iturriaren arabera izen berria dagoeneko erabakita omen dago, baina Microsoft barneko gutxi batzuk bakarrik dakite; gainera oraindik aldatzeko aukera ere ba omen dago. Izen edo marka berri hori Kumo izango omen da, laino edo armiarma-sarea japonieraz.

Live.com helbidetik aldenduko den zurrumurrua dago, horrela, Live.com-en ordez webgune berri bat erabiliko litzateke bilatzailearentzat.

Iturria | TechCrunch

Kontratuak SMS bidez

iheup — Wed, 26 Nov 2008 16:07:29 +0000

Lleida.net –ek kontratuak SMS bidez sinatzeko sistema kaleratu berri du. Transakzio elektronikoak eta kontratuak sinatu litezke SMS bidez. Enpresen arteko transakzio eta kontratuetan denbora aurrezpen handia da hau, baita pertsonen arteko beste edozein kasutan ere. Kontratua onartzeko, nahikoa izango da SMS bat bidaltzea zenbaki konkretu batetara eta berehala kontratua sinatuta egongo da. Lege aldetik ere dena begiratuta dago eta eskuzko sinaduraren balio berdina du. Gainera web bidez sinatu den data eta orduarekin ziurtagiria inprimatzeko aukera dago.

Oso sistema erosoa da eta Sisco Sapena, enpresako zuzendari exekutiboak dioen bezala, “Internet jendearen %50ak dauka, baina mugikorra mundu guztiak”.

Iturria | Silicon NEWS

YouTube 16:9 formatuan

iheup — Wed, 26 Nov 2008 14:16:53 +0000

Zuetako asko agian konturatuko zineten, baina YouTube webguneak bere bideoen formatua aldatu du. Orain 16:9-an daude bideo guztiak, hau da, Widescreen deritzon formatuan (gaur egungo telebista ia denak bezala). ETB-3 ikusten duzuenok aukera izango zenuten formatu honekin esperimentatzeko, baita duela aste bete ingurutik ETB-1ean ere kiroletan.

YouTube-n lehendik dauden bideoak (4:3 formatuan zeudenak, ez denak), 16:9 tamainako edukian sartu behar direnez, alboetan 2 zutabe beltz jarrita ikusiko ditugu:

Webgunea | Youtube

Internet Explorer 8 2009ra arte ez

iheup — Mon, 24 Nov 2008 09:17:47 +0000

Blog ofizialean (IEBlog) adierazi duten bezala, Internet Explorer 8-a 2009an kaleratuko dute. Lehendabiziko hiruhilekoan Realease Candidate bat aterako omen dute eta ondoren bertsio finala. Beren esanetan, IE8a produktu osoa izango omen da, hau da ez dela eguneraketa soil bat izango. Momentuz Beta 2-arekin jarraitu beharko dugu, edo IE7, Firefox edo besteren bat erabili behar bitartean behintzat.

Iturria | IEBlog

iPhone-aren 2.2 Firmwarea kalean

iheup — Mon, 24 Nov 2008 08:59:44 +0000

Apple etxeak kostata baina kaleratu du bere iPhone mugikorraren 2.2 Firmwarea. Berrikuntza nagusienak:

Deietan izaten ziren erroreak gutxitu dira.
Mapetan hobekuntzak.
Google Street View erabiltzeko aukera.
Garraio publikoaren adierazleak mapetan.
Safari nabigatzailearen estabilitatea eta errendimendua hobetu da.
Posta irakurlearen hobekuntzak.
…

Gehiago jakiteko eta Firmware berria jaisteko: Apple Software Update

Blog-aren itzulera!!

iheup — Fri, 21 Nov 2008 21:10:33 +0000

Urte bete baino gehiago da azken post-a idatzi nuela…, ai amaaaaa! Baina lasai, dagoeneko dena prest dago itzulerarako, diseinu berria eta eduki gehiagorekin!

Datozen egunetan berriro ere ataundik Euskal Herriarentzat eta mundu guztiarentzat teknoberriak euskaraz!!!

Gmail denen eskura

iheup — Fri, 09 Feb 2007 14:34:11 +0000

Google enpresa kaliforniarrak bere web-posta zerbitzua denen eskura jarri du munduko toki askotan. Lehen beste erabiltzaile baten gonbitea jaso behar zen zerbitzua erabili ahal izateko.

Gmail zerbitzuak arrakasta izugarria lortu zuen hasieratik, besteek 10 Mb inguru eskaintzen zuten garaian 1GB eskainiz hasi baitzen martxan. Microsoft, Yahoo eta beste etxe batzuk Gmail-en ahalmenetara inguratzen hasi zirenean ordea, azken honek berriro igo zuen kapazitatea 2 GB-tara eta gainera egunero gora eta gora doa.

Beraz milioika erabiltzaile dituen web-posta zerbitzua doan izango da edonorentzat (momentuz, Europa, Afrika, Brasil eta Ekialde Ertainean).

Gmail